Batangas City Police hinarana ang mga city government employees

  HARANA1.jpg HARANA2.jpg HARANA3.jpg HARANA4.jpg

BBATANGAS CITY-Pagkatapos ng flag-raising ceremony ng mga city government employees noong umaga ng February 13, kinantahan sila ng love songs ng dalawang pulis na sina PO1 Jason Andal at SPO2 Ferdinand Hernandez habang namimigay ng red roses bilang paraan nila ng pagdiriwang ng Valentine’s Day.

Nagpa picture- taking din ang ibang mga pulis sa mga napili nilang department heads at empleyado sa ginawa nilang “photobooth” .

Ayon kay PO3 Glenda Cleofe, sa pamamagitan ng pagbibigay ng red roses sa mga tao, gustong ipadama ng mga pulis na espesyal ang mga tao sa kanilang mga puso at ligtas habang sila ay nasa paligid at ginagawa ang kanilang tungkulin.

Sa harap ng masamang imahe ng kapulisan, nais nilang patuloy na magkaroon ng magandang relasyon sa publiko kung kayat isa sa kanilang mga regular na gawain ay ang papgpunta sa mga barangay at paaralan upang magsagawa ng information and education campaign sa mga peace and order issues partikular sa ilegal na droga. (PIO Batangas City)