Grade 5 student ng UB kampeon sa Children’s Art Competition

Details

Tuesday, 09 January 2018 - 4:34:53 PM

BATANGAS CITY - Nagbigay inspirasyon sa nanalong kampeon ng Children’s Art Competion na si Aliyah Mariam Latip, grade 5 student ng University of Batangas, ang mga biyaya at pagmamahal ng Mahal na Poong Sto. Niño sa kanyang naipanalong art work.

May 41 estudyante mula sa pampubliko at pribadong paaralan sa lungsod ang lumahok sa nasabing patimpalak. Nagwagi ng 2nd place si Lia Joie Blanco ng Marian Learning Center and Science High Sschool at 3rd place naman si Allen Henrik Montoya ng Batangas State University.

Special awards ang natanggap nina Daindra Carmela Bayeta ng Ilijan ES, Maxine Lleana de Villa ng Saint Bridget College at Carmelo Emanuel Echanez ng BatStateU.

Ang kampeon at dalawa pang winners ay tumanggap ng P 5000, P3000, P 1,500 respectively at medalya. Tumanggap naman ng tig 500 piso ang tatlong special awardees. Ang mga hindi nagwagi ay tumanggap ng tig 200 piso.

Naging mga hurado ang mga visual/ multimedia artists at painters na sina Lino Acacio, Janet Arboleda Ballecer at Herminigildo Santos.

Ayon kay Santos, nailarawan ni Latip ng wasto ang tema na “Dahil sa Sto. Niño, winner ako!”. Matured din aniya ang kanyang atake sa komposisyon. Mensahe niya sa lahat ng mga sumali na ituloy lamang ang pagmamahal sa sining at patuloy na dagdagan ang kanilang mga kaalaman.

Ang childrens art competiton ay proyekto ng pamahalaang lungsod sa pangunguna ng Cultural Affairs Committee sa suporta ng SM City Batangas. (PIO Batangas City)

• < Prev
• Next >