Batangas City High School for the Arts building pinasinayaan

  1.jpg 10.jpg 11.jpg 12.jpg 13.jpg 14.jpg 15.jpg 16.jpg 17.jpg 18.jpg 19.jpg 2.jpg 20.jpg 21.jpg 22.jpg 23.jpg 24.jpg 25.jpg 26.jpg 27.jpg 28.jpg 3.jpg 4.jpg 5.jpg 6.jpg 7.jpg 8.jpg 9.jpg

Pinasinayaan ang two-story building ng Batangas City High School for the Arts (BCHSA) ngayong araw na ito, August 13, sa loob ng compound ng Batangas National High School (BNHIS) sa pangunguna nina Congressman Marvey Mariño at Mayor Beverley Dimacuha.

Ayon kay Victoria Dela Cruz, OIC ng nasabing paaralan, ito ay isang pampublikong paaralan kayat libre ang tuition para sa mga kabataang residente ng lungsod. Hinuhubog dito ang special skills ng mga mag-aaral sa music, arts, visual arts, theatre, dance at pagtugtog ng musical instruments.

Nagsimula ang operasyon nito noong nakaraang taon bilang bahagi ng Special Program for the Arts (SPA) ng BANAHIS. Ang gusali ng Bahay Kaalaman sa loob ng BANAHIS ang kanilang ginagamit. Sa kasalukuyan , ito ay may 13 guro at 140 estudyante.

Upang makapasok dito, ang estudyante ay dapat may average na 85% at kailangang ma maintain niya ang average na ito. Dalawang oras sa isang araw ang klase sa special skills sa BCHSA habang ang ibang oras ay para sa academic studies.

Tumatanggap ng P1,000 na allowance buwan buwan ang mga mag-aaral dito mula sa pamahalaang lungsod o P 10,000 kada school year, na ibinibigay tuwing enrolment sa buwan ng Mayo at tuwing Disyembre. Ang pamahalaang lungsod din ang nagkaloob ng mga musical instruments, video camera, computer set, aircondition units at sagot din nila ang electricity bill nito.

Lubos ang pasasalamat ng pamunuan ng naturang paaralan sa suportang ipinagkakaloob ng pamahalaang lungsod.

Ayon kay Mayor Dimacuha, inaasahan niya na ang mga mag-aaral nito ay magbibigay ng dagdag na kariktan sa lungsod.

“Hinihiling ko rin na maging disiplinado kayo sa inyong mga pagtatanghal sa ibat-ibang lugar at maging responsable sa pag-iingat sa mga gamit na kaloob ng pamahalaang lungsod,” dagdag pa ng Mayor.

Nagpahayag naman ng suporta si Congressman Marino sa naturang paaralan na magiging katuwang aniya ng pamahalaang lungsod sa pagpapahalaga sa kultura at tradisyon ng lungsod. Dumalo din sa naturang okasyon sina Councilor Alyssa Cruz, OIC Division Schools Superintendent Dr Donato Bueno at OIC Asst. Division Schools Superintendent Dr Rina Ilagan. (PIO Batangas City)