Evacuees pinanatiling produktibo

Details

Wednesday, 22 January 2020 - 9:45:00 AM

BATANGAS CITY-Sa pangangasiwa ng pamahalaang lungsod, nagiging maayos ang pagtigl ng mga Taal evacuees sa mga evacuation centers kung saan sila ay pinanatiling busy at produktibo at binibigyan ng kasiyahan.

Sa ginawang pagbisita ng ilang miyembro ng Eto Batagueno Disiplinado (EBD) Magkatuwang Tayo team sa evacuation centers sa Balete Elementary School kung saan may 102 families o 353 individuals at sa Banaba East Elementary School na may 55 families o 213 individuals, nakita nila ang kalagayan ng mga evacuees at kung paano nila ginugugol ang kanilang panahon habang sila ay naririto.

Bawat cluster room ay may nakatalagang leaders na siyang namumuno at namamahala sa mga evacuees.

Sa ginawang panayam sa mga evacuees, sinabi nila na maganda ang pagtanggap ng mga barangay officials at residente sa kanila. Marami ring tulong at donations silang natatatanggap araw-araw.

Bahagi ng kanilang daily routine ang pagsu zumba tuwing umaga bilang exercise nila.
Sila ay tumutulong din sa pag didilig ng halaman at paglilinis ng kapaligiran. Mayroong schedule ng paglalaba ang bawat pamilya at tulong tulong sa pag luluto.

Para naman sa kanlang kasiyahan, may mga volunteers na nag bibigay ng film showing at may mga mascots ng iba’t-ibang food chains ang nagpapasaya sa mga bata.

Ipinaliwanag naman ng ilang miyembro ng EBD Magkatauwang Tayo team na sina Noel Silang PESO Manager, Gigi Godoy ng City Planning & Development Office at Mabel Santos. Executive assistant for Women, ang mga values na kinikintal at pinalalaganap ng adbokasiya ni Mayor Beverley Dimacuha na EBD Magkatuwang Tayo. Kabilang dito ang pagkakaroon ng disiplina, kagandahan asal, kalinisan, hindi paglura sa kalye, at iba pa.

Dininig din ng team ang mga problema at iba pang pangangailangan ng mga evacuees.

• < Prev
• Next >