Poblacion barangay naging mabilis ang pagtalima sa RA 9003

  1.jpg 10.jpg 2.jpg 3.jpg 4.jpg 5.jpg 6.jpg 7.jpg 8.jpg 9.jpg

BATANGAS CITY- Iniulat ng KA-BRAD Poblacion cluster coordinators o solid waste management teams ng city government employees ang mabilis na pagkilos ng mga barangay sa Poblacion, kasama ang Cuta, Wawa, Malitam at Santa Clara sa pagtalima sa istriktong pagpapatupad ng pamahalaang lungsod ng RA 9003 o Solid Waste Management Act of 2000.

Ito ang naging feedback sa idinaos na general assembly ng mga nabanggit na barangay sa Batangas City Convention Centre, March 21, kung saan dumalo ang may 1,700 na residente dito at kanilang mga pangulo.

Ayon sa cluster coordinators, nang umpisahan nila ang Information Education campaign noong October 2018, ay anim na barangay lamang ang may Barangay Solid Waste Management Council ( BSWMC). Ngayon ay 24 barangay na ang nakapag organisa nito. Ilang barangay na rin ang may ordinansa, programa at mga proyektong ipinatutupad para sa kalikasan at kalinisan kagaya ng Barangay 8, 14, 19, 24 at Malitam. Labing-isang barangay na rin sa cluster na ito ang may Materials Recovery Facilities (MRF), samantalang ang iba ay hindi makapagpagawa ng MRF dahil walang bakanteng lugar na mapagtatayuan.

Dalampu’t -isang barangay ang nakapagsumite ng Waste Analysis Characterization Report (WACR). Dito malalaman ng Solid Waste Management Board (SWMB) kung gaano kadami at uri o klase ng basurang naiipon ng isang baranagay na siya namang magiging batayan para sa recyclable projects na ipapatupad sa isang barangay.

Ayon pa rin sa report, 75% ng mga barangay sa cluster na ito ay maayos na nahahakutan ng basura ng hauler ng pamahalaang lungsod. Ang mga business establishments dito ay may mga pribadong hauler.

Pinuri rin ang ecological park at best practices sa pangangalaga ng kalikasan at mga proyektong pangkalinisan ng Barangay 12 at 24.(PIO Batangas City)