Nakakuha ng three-peat championship ang Blades Percussion-Batangas City nang manalo sa tatlong magkakasunod na taon sa Philippine Drum and Lyre Associates Inc. (PDLAI) National Hybrid Competition 2023 sa Antipolo City noong July 23.

Nagwagi ang grupo sa nasabing kompetisyon noong 2019 at nasundan sa muling pagsasagawa nito matapos ang pandemya noong 2022.
Ang Blades Percussion -Batangas City na isang marching band ay binuo sa administrasyon ni dating Mayor Eduardo Dimacuha noong 2011 sa layuning mabigyan ng oportunidad ang mga kabataan na mapaunlad at maipamalas ang kanilang talento sa musika at sining.

Sa kasalukuyan ito ay 70 miyembro na kabataan mula sa iba’t ibang barangay sa lungsod.

Ang banda ay nasa ilalim ng pagsasanay ni Christopher Ramos.

Nag courtesy call ang grupo kay Mayor Beverley Dimacuha noong July 25 upang ipresenta ang nakamit na karangalan at personal na magpasalamat sa patuloy na suporta nito.

Nagpapasalamat din sila sa Local Youth Development Office (LYDO) at sa ibang samahan at indibidwal na tumulong sa kanila upang makamit ang tagumpay.

Ayon kay Ramos, malaking karangalan at blessing ang makamit ang championship sa tatlong magkakasunod na taon. Ito aniya ay magsisilbing inspirasyon para lalong pagbutihin ang kanilang pagsasanay.

“

• < Prev
• Next >