Isinagawa sa kauna-unahang pagkakataon ng pamahalaang lungsod ang "Magkatuwang Tayo Fishing Championship, Marangal Ang Mangisda sa Lungsod ng Batangas" noong June 1 at 2.

Ang naturang kompetisyon ay konsepto ni Congressman Marvey Mariño na naglalayong mai-promote ang legal at ligtas na pangingisda sa Batangas City. Nais din niyang mapalakas ang samahan ng mga mangingisda sa lungsod. Ito at nilahukan ng 298 na tradisyunal na mga mangingisda at hobbyist mula sa ibat-ibang barangay.

Tinanghal na kampeon sa traditional category si Virgilio Como ng barangay Mabacong na nakabingwit ng 12.300 kg. na tanigue puti. Wagi naman sa Sports category si Allan Guinihin ng Pinamucan Proper na nakahuli ng 7.490 kg na tanigue. Sila ay kapwa tumanggap ng P30, 000 na cash prize.
2nd place winner sa traditional category si Nemesio Balmes ng Simlong at 3rd place si Aristotle Anonuevo ng San Andres, Isla Verde.
Sa sports category, nanalo ng ikalawang pwesto si Raffy Hernandez at ikatlong pwesto si Rose Visco na parehong mula sa barangay Pinamucan Proper.

Nagbigay rin ng special awards para sa most number of catch, longest catch at iba pa. Naging bahagi ng competition ang "cook your catch" na napagwagian ng mga myembro ng KALIPI ng barangay Talahib Pandayan. Labis ang kasiyahan nina Mayor Dimacuha at Cong. Marvey Marino sa tagumpay ng proyekto. Bukod sa marami ang sumali, marami ang nahuling isda at walang naitalang aksidente. Patunay anila ito na sagana ang karagatan ng lungsod at malaya ring nakakapangisda dito. Tiniyak nila na patuloy silang magpapatupad ng mga programa at gawain para sa pangangalaga ng karagatan.

Ang awarding ceremony ay pinamahalaan ng komite na pinamunuan ni dating konsehal Serge Atienza. Nagkaroon din ng raffle para sa mga mangingisdang lumahok sa kompetisyon.

Nakiisa sa nabanggit na okasyon sina Vice Mayor Alyssa Cruz, Bokal Claudette Ambida at mga kasalukuyan at dating miyembro ng Sangguniang Panlungsod.

“