TINGNI: Pinangunahan ng Office of the City Agriculturist ang pagtatanim ng palay at iba't ibang gulay sa 10,600 metro kuwadradong lupain sa Sitio Pulo, Barangay San Pedro, June 10.

Ang naturang gawain ay isinusulong ni Mayor Marvey Mariño upang palakasin at buhayin muli ang produksyon ng palay at gulay, madagdagan ang kita at produktibidad ng mga magsasaka maipalaganap ang mga programang pang-agrikultura sa mga barangay.

Kabilang sa mga itinanim ang red at black rice, yellow hybrid corn (pang-feed), luya, papaya ube, pinya, cassava at mani.

Ang mga pananim na itinanim noong Mayo ay inaasahang aanihin sa huling linggo ng Agosto.

Ayon kay City Agriculturist Flor Alvarez, mahalagang maibalik ang pagtatanim ng palay sa lungsod upang makatulong sa suplay ng pagkain at sa kabuhayan ng mga mamamayan.

Patuloy ring nagsasagawa ang kanilang tanggapan ng pagtukoy sa mga posibleng taniman, pagsasanay sa mga magsasaka, at pagpapakilala ng mga makabagong teknolohiya sa pagsasaka.

Nagpasalamat naman ang barangay San Pedro sa tuloy-tuloy na suporta ng city government, kabilang ang pamamahagi ng binhi at greenhouse para sa produksyon ng high-value crops. (PIO Batangas City)