TINGNI: Dalawampu’t pitong barangay sa Batangas City na kabilang sa mga high-risk areas ang sumailalim sa Camp Coordination and Camp Management o CCCM Monitoring and Evaluation, na isinagawa ng Office of the City Social Welfare and Development Officer o OCSWDO kamakailan.

Layunin nitong masuri at mapalakas ang kahandaan at koordinasyon ng mga barangay sa pamamahala ng evacuation centers at pagtugon sa mga residenteng napipilitang lumikas tuwing may kalamidad.

Kinilala bilang Top Performing Camp Management Teams ang Barangay Libjo at Barangay Pallocan West, habang itinanghal naman ang Barangay Libjo bilang Top Performing Barangay in DROMIC Reporting dahil sa maayos at maagap na pagsusumite ng disaster response reports.

Bahagi ito ng patuloy na hakbang ng lungsod upang mapabuti ang disaster response at matiyak ang maayos na serbisyo at proteksyon sa mga internally displaced persons o IDPs. (PIO Batangas City)