“Batang Bakunado, Protektado”: OCHO Nagsagawa ng Kauna-unahang Search for Fully Immunized Chikiting

01.jpg 02.jpg 03.jpg 04.jpg 05.jpg 06.jpg 07.jpg 08.jpg 09.jpg 10.jpg 11.jpg 12.jpg 13.jpg 14.jpg 15.jpg 16.jpg 17.jpg 18.jpg 19.jpg

TINGNI: Prayoridad ng pamahalaang lungsod ang kalusugan ng mga Batangueño kaya’t pagkapanganak pa lamang ay tinututukan na ang kanilang kalusugan.

Dahil dito, isinusulong ng Office of the City Health Officer o OCHO ang pagiging Fully Immunized Child o FIC, o ang pagkakaroon ng kumpletong bakuna bago sumapit ang isang taong gulang.

Kabilang sa mga bakunang kailangan ng mga sanggol ang BCG, Hepatitis B, Pentavalent, MMR at OPV, na nagsisilbing proteksyon laban sa iba’t ibang nakahahawa at malulubhang sakit.

Kaugnay nito, nagsagawa ang OCHO ng kauna-unahang Search for Fully Immunized Chikiting – Batang Bakunado, Protektado, na nilahukan ng 22 fully immunized babies mula sa iba’t ibang barangay sa lungsod.

Nagkamit ng unang pwesto ang one-year-old na si Ateena Delas Alas ng barangay Alangilan, 2nd place si Rogelio Buenafe VI ng barangay Pobalcion 1 habang ikatlong pwesto naman ang kinatawan din ng barangay Alangilan na si Kaino Carson Aldover.

Nagpasalamat naman si Mommy Christelle Aldover dahil lahat ng kanyang tatlong anak ay nakatanggap ng libreng bakuna mula sa lokal na pamahalaan.

Ayon sa kanya, malaking tulong ang kumpletong bakuna upang mapanatiling malakas ang resistensya ng kanyang mga anak.

Bukod sa patimpalak, namahagi rin ng mga regalo sa lahat ng kalahok at nagsagawa ng lecture hinggil sa National Immunization Program o NIP. (PIO Batangas City)