Action Center ng BSU para sa disaster preparedness inilunsad

Details

Thursday, 26 July 2018 - 3:44:52 PM

BATANGAS CITY- Isang malaking suporta sa disaster preparedness at response capability ng mga local government units ang pinasinayaang Action Center ng Batangas State University, na isang national center for disaster risk management education and training sa bansa. Bahagi rin ng center na ito ang Disaster Resiliency Education for Adaptation and Mitigation (DREAM) Academy na magkakaloob ng 36-unit Master in Disaster Management at 18-unit Diploma in Disaster Risk Management.

Layunin ng masteral course na makapag establish ng pool of managers at policy makers na mahusay sa disaster risk management (DRM) at disaster risk reduction habang ang Diploma in Disaster Risk Management na bukas sa mga high school students ay upang magkaroon ng kapasidad ang mga graduates sa basic at working knowledge sa DRM,

Ayon kay BSU President Dr Tirso Ronquillo, ang naturang pasilidad ay isang hybrid academy and research for disaster risk management. Layunin aniya nilang magdevelop ng maraming disaster risk managers and planners bilang suporta sa pamahalaang lungsod. “We see ourselves as a university and therefore we should do more advance research towards providing solution for disaster risk management.”

Ang ribbon cutting at unveiling ng ACTION Center marker ay ginampanan nina Department of National Defense/ NDRRMC Executive Director Usec. Ricardo Jalad kasama si Governor Hermilando Mandanas.

Sinabi ni Jalad na malaking suporta sa RA 10121 ( The Philippine Disaster Risk Reduction and Management Act of 2010 o DRRM Act) ang naturang pasilidad ng BSU sa pagkakaroon ng “ pro active approach to national preparedness response.”

Binati ni Gov. Mandanas ang pamunuan ng BSU sa naturang proyekto.

Ipinaabot naman ni 5th District Representative Cong. Marvey Mariño at Mayor Beverley Dimacuha ang kanilang “ commitment to support” BSU sa pamamagitan ng kanilang kinatawan na si Secretary to the City Mayor Atty. Reginald Dimacuha. Mahalaga aniya ang technology, training at preparedness sa panahon ng kalamidad.

Samantala, sinimulan noong July 25 ang three-day ASEAN Conference and Exposition on Disaster Risk Management and Climate Change Adaptation (ACEDRMCCA) 2018 sa BSU. Ito ay may temang “Converging with the ASEAN community in managing disaster risks and climate change for a resilient community”.

“This aims to show our boldness in addressing all forms of disaster and as an avenue for higher level of discussion on how each country or member state addresses disaster risk in their areas,” sabi ni Dr Ronquillo.(PIO Batangas City)

• < Prev
• Next >