TINGNI : Tampok ang vegetable cooking contest sa Ala-Eh TIKME 101 na itinaguyod ng Batangas City Cooperative Development Council (BCCDC), June 14.

Lumahok dito ang anim na pares ng mga kabataang 7-17 taong gulang na pawang mga miyembro ng Laboratory Cooperative sa lungsod. Ito ay ang kooperatiba na kinabibilangan ng mga anak ng miyembro ng kooperatiba.

May dalawang katergorya ang kumpetisyon. Ito ang mga luto mula sa kalabasa at ang isa naman ay mga luto ng talong.

Naging champion sa squash category ang Squashy Cheese Empanada ng Malalim Multipurpose Cooperative (MPC)-Lab Coop. Pumangalawa ang Kalabasa Fritter ng Tulo MPC- Lab Coop at pangatlo ang Squash Soup ng Talumpok Silangan MPC-Lab Coop.

Nakamit naman ng San Isidro MPC-Lab Coop ang unang gantimpala para sa kanilang Crispy Fritters sa eggplant category. Pangalawa ang Lumpiang Talong ng Soro-soro Ibaba Dev't. Cooperative (SIDC)-Lab Coop at pangatlo ang Eggplant Roll ng Sibbap MPC Lab Coop.
Nanalo naman sa exhibition games sa table tennis at chess ang SIDC at wagi sa scrabble ang Coop for Christ-Batangas MPC.

Naging bahagi rin ng okasyong ito cooperative orientation, mental health talk at mini concert.
Layunin ng Ala-Eh TIKME 101 na maiangat ang kaalaman ng mga kabataan at mahikayat ang kanilang pakikiisa sa kooperatiba. Gayundin ay mapalakas ang kanilang kakayahan bilang mga susunod na lider ng kooperatiba na may matuwid na pamumuno.