- Home
-
About
- General Information
- City Profile
-
City Government
- Barangays
-
Resolutions and Ordinances
- Resolutions
- Ordinances
- Public Hearing
- Publications
-
Business
- Setting Up a Business
- Online Business Services
- Cost of Doing Business
- Local Ordinances & Issuances
- Metro Batangas Business Club
- Awards and Recognitions
- Socio-Economic Physical & Political Profile
- Brochure/Sectoral Profile/Investment Brief
- Safety Seal Certificate
- Downloadable Forms
- Citizen's Charter
- Citizen's Charter Online Registration/Renewal
- BPLO Citizen's Charter Handbook
-
Tourism
- Local Heritage
- Tourist Information
- Travel Information
- Lenten 2022
- Videos
- CAREERS
- Contact Us
Ilang Taal evacuees sa Batangas City tinulungang maging magsasaka upang kumita
- Details
- Friday, 28 February 2020 - 4:49:00 PM
Nang sumabog ang Bulkang Taal noong ika-12 ng Enero, sumabog din ang kabutihan ng mga Batangueno na buong pusong tumulong at nagbigay ng pag-asa sa mga naging biktima ng trahedyang ito.
Patunay nito ang kwento ng pamilya ni Jessa Agustin na lumikas sa Batangas City mula sa bayan ng Taal.
Ayon kay Jessa, ang kanyang pamilya ay nakikitirik lamang ng kanilang tahanan sa isang pribadong lote sa Taal. Ang kanyang ama ay drayber ng backhoe, ang kanyang ina ay simpleng maybahay at siya naman ay nagtatrabaho bilang saleslady. Sila ay anim na magkakapatid at ilan sa mga ito ay may sarili ng pamilya..
Ilang araw makalipas ang pagputok ng bulkan, sila ay lumikas sa Batangas City sa barangay Libjo Lamao, kung saan sila ay kinupkop ni dating Konsehal Armando Lazarte. Unang kinalinga ni Lazarte ang kapatid ng ama ni Jessa. Dito ay pinayagan silang manirahan hanggang sa kasalukyan sa kubo na matatagpuan sa isang ektaryang lupain ng dating konsehal. Kasama nila dito ang isa pang pamilya na mga bakwit din.
Ang nasabing farm ay nagsilbing paraan upang maging produktibo ang kanilang pagtigil dito. Ang lupain ay may mga tanim na prutas at gulay ni Lazarte na likas na mahilig magtanim. Bilang pagtanaw ng utang na loob sa tulong na ipinagkaloob sa kanila, ginugol nila ang kanilang panahon sa pagtatanim dito ng mga prutas at gulay kagaya ng kamatis, sili, talong at sitaw. Sa tulong ng programa ng pamahalaang lungsod ay naararo ng traktora ang taniman.
Ngayong Biyernes, February 28, inani nila ang tanim na pakwan ng dating Konsehal kung saan ang kanilang napagbentahan ay gagamitin nila bilang panimula at pang ayuda sa kanilang araw araw na pangangailangan.
Tinuruan din sila ni Lazarte sa paraan ng pagbebenta ng mga produkto.
Nakarating sa pamahalaang lalawigan ng Batangas ang kanilang kwento kung kayat inaalok silang lumipat sa ipinatayong evacuation center na bayan ng Ibaan at gawing modelo ng pagkakaroon ng kabuhayan sa pamamagitan ng pagtatanim.
“Mapalad po kami at sobrang saya po namin na kahit naapektuhan kami ng kalamidad, may tumulong po sa amin at may natagpuan kaming mga taong may mabubuting kalooban,” sabi ni Jessa.
Nagpaabot ng pasasalamat si Lazarte sa lahat ng mga Batanguenong tumulong sa mga evacuees. Payo niya na pagyamanin ang mga hindi napapakinabangang lupa at turuan ang mga kabataang magtanim.
Masasabing naniniwala si Lazarte sa kasabihang, “ Bigyan mo ng isda ang isang tao at mapapakain mo siya sa isang araw; turuan mo siyang mangisda at mapapakain mo siya habang buhay.”
Latest News
- Fire Square Road Show, itinaguyod ng Bureau of Fire Protection (BFP) Batangas City
- Tinanghal na That's My Boy – Outstanding KAB Scout si Christian Kyle Guevarra ng District 6
- Shell Pilipinas Corporation culminated the rolling out of the Master of Disaster (MOD) program in Batangas City at the Schools Division Office (SDO) last September 6
Emergency Hotlines
Mayor's Action Center : 723-1511
BFP Batangas City : 425-7163
PNP Batangas City : 723-2030
Nazareth Hospital : 723-4144
Batangas Medical Center : 723-0911
CDRRMO : 702-3902
Philippine Red Cross: 723-3027
City Social Welfare Dev’t : 723-2208
City Health Office : 723-8890
LTO Batangas City : 740-9738
LTO Batangas City : 740-9738
Contact Info
Mayor Beverley Rose A. Dimacuha
Batangas City Hall Complex,
P. Burgos Street, Barangay 17,
Batangas City, Batangas
Philippines 4200
Tel: +63 (043) 723-1511
Fax: +63 (043) 723 1558
This email address is being protected from spambots. You need JavaScript enabled to view it.