Layunin ng kanilang pagbisita sa pangunguna ni Mayor Jose Joel Doromal at Vice Mayor Maribeth Lopez na alamin ang mga best practices ng SP na tinanghal na Most Outstanding Sangguniang Panglungsod sa Component Cities Category sa Local Legislative Awards (LLA) noong 2018.
“We want to learn from the best,” sabi ni VM Lopez.

Malugod silang tinanggap ng mga kawani ng naturang tanggapan sa pangunguna ni SP Secretary Atty Olive Telegatos.
Bukod sa mga tungkulin at programang kanilang ipinatutupad, ibinahagi din niya ang ilang mga batas at ordinansang kanilang naipasa.
Pinayuhan din niya ang grupo sa ilang mga hakbang na dapat gawin upang manalo sa LLA.

Bumisita din ang grupo sa Mayor’s Office kung saan sila ay hinarap ni City Administrator Januario Godoy at Tourism Officer Erick Sanohan.

Ang Maramag ay first class municipality sa lalawigan ng Bukidnon sa Mindanao. Lubos ang pasasalamat ng delegasyon sa mainit na pagtanggap sa kanila ng Batangas City LGU.