TINGNI: May 21 baka ang ipinamahagi nina Mayor Beverley Dimacuha at Congressman Marvey Marino sa mga residente ng ibat-ibang barangay sa lungsod ngayong araw, May 30.

Ito ay sa ilalim ng programang Cattle Dispersal Program ng pamahalaang lungsod sa pangangasiwa ng Livestock Division ng City Veterinary Office (CVO).

Kailangan lamang nilang magbalik ng isang walong buwang bisiro mula sa kanilang alagang inahing baka upang mapakinabangan ng iba.
Nauna rito, sumailalim ang mga benepisyaryo sa pagsasanay sa tamang paraan ng pag-aalaga ng baka.

Ang naturang programa ay nagsimula sa administrasyon ni dating Punonglungsod Eduardo Dimacuha at ipinagpapatuloy ng administrasyon ni Mayor Beverley na naglalayong makapagbigay ng karagdagang pagkakitaan at mapalakas ang industriya ng kambing sa lungsod.
Nakiisa din sa naturang pamamahagi ang ilang myembro ng Sangguniang Panglungsod. (PIO Batangas City)