Layunin ng naturang programa ng City Health Office (CHO) na mabigyan ng sapat na kaalaman ang mga seniors citizens hinggil sa pangangalaga ng kanilang kidney upang maiwasan ang pag kakaroon ng sakit sa bato o chronic disease.

Nagkaroon ng libreng blood sugar testing, cholesterol at uric acid testing bago isinagawa ang lecture hinggil sa diabetes, hypertension at gout.

Nagsilbing resource speakers ang mga miyembro ng Batangas Medical Society (BMS.
Nagbahagi ng mahalagang impormasyon hinggil sa sakit sa kidney dulot ng diabetes si Nephrologists Dr. Gian Cusi kung saan binigyang diin niya ang tamang pag inom ng gamot, tamang diet at exercise upang maiwasan ang mga komplikasyon at humantong sa dialysis.

Tinalakay naman ni Diabetes Specialist Dr. Eden Caringal ang tamang management at sintomas ng diabetes at kung paano ito kontrolin at maiwasan.

Pinayuhan ng Cardiologist na si Dr Vina Pastor ang mga participants na ugaliing magpakonsulta upang mamonitor kung may alta apresyon na tinaguriang silent killer.
Ayon naman kay Nutrition Officer Eva Mercado mahalagang kumain ng balanced diet at iwasan ang sobrang protein dahil isa ito ay nakakaapekto sa kidney habang ang sobrang taba ay dahilan ng pagtaas ng cholesterol.

Naging katuwang ng CHO sa pagdaraos ng naturang okasyon ang BMS, City Council for the Elderly (CCE) at Office of the Senior Citizens Affairs (OSCA).
Ang tema ng selebrasyon ay “Kidney for Aall: Advancing Equitable Access to Care and Optimal Medication Practices” (PIO Batangas City)

“