TINGNI: Bumisita sa Batangas City si Senator Imee Marcos upang hingin ang suporta ng mga opisyales ng lokal na pamahalaan at ng mga barangay sa lungsod hinggil sa isinusulong niyang panukalang batas upang ma-amyendahan ang Local Government Code partikular ang pagpapalawig ng termino ng mga barangay officials hanggang anim na taon.

Magugunita na si Sen Marcos ang Chairperson ng Committee on Electoral Reforms and People's Participation sa Senado.
Nakita aniya na kulang ang 18 buwan na panunungkulan ng mga ito upang makapagpatupad ng mga programa at proyekto.
Binigyang diin din niya na napaka-ikli ng panahong ito upang makapaghilom at muling magkaisa ang mga magkakabarangay.
Plano din aniyang isynchronize ang Barangay at Sangguniang Kabataan Elections (BSKE) upang mabawasan ang ginugugol na pondo ng gobyerno sa pagdaraos ng halalan.

Kaugnay nito, isang resolusyon na ipinasa ng mga myembro ng Sangguniang Panglungsod ang iprinesenta ni Liga ng mga Barangay President Angelito Dondon Dimacuha na nagpapahayag ng suporta sa naturang panukalang batas.

Lubos ang pasasalamat ng Senadora sa nabanggit na hakbang kung saan ang lungsod ng Batangas aniya ang unang syudad na gumawa nito.
Nangako rin si Congressman Marvey Marino na magpapatuloy ang suporta ng mga Batangueno kay Senator Imee bilang pasasalamat sa mga proyektong ipinagkaloob nito sa lungsod.

Nakiisa din sa nasabing okasyon sina Vice Mayor Alyssa Cruz at mga myembro ng konseho.