TINGNI: Mahigit 250 residente ng barangay Tabangao-Ambulong ang nakinabang sa libreng medical mission ng Malampaya Foundation ngayong araw, June 20.
Handog ng taunang programang ito ang libreng serbisyong medical gaya ng konsultasyon, laboratory test, bloodletting, circumcision (tuli), ECG, at first aid demo. Libre din ang gamot para sa mga pasyente. Bukod sa complete blood count (CBC), nagkaloob din ang Philippine Red Cross (PRC) ng libreng FBS, RBS, at uric acid test.

Lubos ang pasasalamat ni Erasmo Are, 71 taon gulang ng naturang barangay dahil malaking tulong ang nasabing gawain dahil taon-taon aniya syang nakikinabang sa nabanggit na proyekto. Nagpakonsulta siya dahil sa irregular na pagdumi kung saan bukod sa libreng gamot, binigyan din siya ng referral sa BATMC upang sumailalim sa iba pang eksaminasyon.

Ayon kay Malampaya Foundation Project Manager Tony Reyes, malaking tulong ang naturang medical mission sa mga residente ng Ambulong lalo ngayong panahon ng tag-ulan kung saan maraming tao ang nagkakasakit.

Ito ay sa ilalim ng kanilang Social Development Program na nagkakaloob ng ibat-ibang proyekto at programa napakikinabangan ng komunidad.
Naging partners ng Malampaya Foundation sa community service na ito ang Batangas Medical Society (BMS), Batangas Medical Center (BMC) at City Health Office (CHO).

Nagpaabot ng taos-pusong pasasalamat ang pamunuan ng barangay Tabangao Ambulong sa lahat ng lumahok at tumulong sa medical mission kabilang ang mga volunteer doctors at iba pang ahensiya. (PIO Batangas City)