May 291 day care children mula sa limang Child Development Centers, nagtapos sa Early Childhood Care and Development (ECCD) program

Details

Wednesday, 26 June 2024 - 10:00:00 AM

Ang mga ito ay mula sa barangay Cuta, KumintangIbaba, Ferry, Young Learners, FPIC at KumintangIlaya. Sila ang huling batch ng mga batang kabilang sa 4,500 batang ECCD na nagtapos ngayong school year 2023-2024.

Ayon sa City Social Welfare Development Office (CSWDO), ang naturang seremonya ay isang mahalagang hakbang para sa mga kabataan na naitawid ng mga day care workers (DCW).
Nagpaabot ng pagbati si Mayor Beverley Dimacuha sa mga magulang ng mga nagsipagtapos at nagpasalamat sa patuloy na pagtitiwala ng mga ito sa mga CDW na walang sawang humuhubog ng kaalaman ng mga bata.

Nagpahayag ng suporta si Kumintang Ibaba Chairperson Rico Adarlo sa programang ito ng pamahalaang lungsod. Tema ng Pagkilala ngayon taon ay “Karapatan ng BatangBatangueno angMakatapos ng Pag-aaral Tungo sa Magandang Kinabukasan, Batang Pilipinong Batangueno, Batang May Bukas, Basta’tMag katuwang Tayo”. (PIO Batangas City)

• < Prev
• Next >