TINGNI: Nakiisa ang mga myembro ng Batangas City LGBT-SILBI sa 9th Batangan Pride March na idinaos sa FPJ Arena, San Jose Batangas noong June 21.

Ang naturang grupo na binubuo ng 80 miyembro ay nakilahok sa panawagan ng pagkakapantay pantay, pagmamahal at pagtanggap.
Ipinagmalaki rin nila na sila ay mula sa lungsod ng Batangas. Ayon sa Pangulo ng LGBT-SILBI na si Loubrix Bay, mapalad sila na maging taga-Batangas City dahil dama nila ang pagtanggap ng mga mamamayan dito.

Lubos din aniya ang suporta at pagtitiwala sa kanila nina Mayor Beverley Dimacuha at Congressman Marvey Mariño, hindi lamang sa okasyong nabanggit lalo’t higit sa pagtataguyod ng mga proyekto para sa LGBTQIA community.

Naging bahagi ng Pride March ang iba’t ibang kumpetisyon na nagpatunay kanilang angking husay at talento. Ilan dito ay ang Search for Festival King and Queen, Commercial Make Up at Hair Coloring.

Nanalo ng ikalawang pwesto sa hair coloring ang kinatawan ng Batangas City na si Leo Clanor. Nagpaabot ng taos pusong pasasalamat si Bay sa mga city officials, miyembro ng LGBTQ-SILBI at mga inbidwal na nagbigay ng suporta sa pakikilahok nila sa nasabing pagdiriwang.