Employees Day mas pinasaya!

Details

Tuesday, 25 July 2017 - 9:00:00 AM

BATANGAS CITY- Mas masaya ang Employees Day ng pamahalaang lungsod ngayong taon na tinaguriang “Mga Kawani Karibok, Kasiyahang Patok, Umaasbok” dahilan sa bagong pa contest nito kung saan bumida ang mga matatabang kawani sa Bb. Bigatin 2017.

Tinanghal na Bb. Bigatin 2017 si Dr Pamela Christina Parole ng City Health Office (CHO). Siya ay tumanggap ng premyong P 10,000 cash, trophy, overnight accommodation for two sa Batangas Country Club, Romy’s pork lechon at gift certificate of free lipo slim at facial with diamond peel sa Aesthetic Clinic. Siya din ang nagwagi ng special prize bilang Best in Long Gown at Best in Production Number.

Nagwaging 1st runner- up si Rancelle Marie Manimtim ng Sangguniang Panglungsod at 2nd runner- up naman ang kinatawan ng General Services Department na si Grace Rosal. Napiling Best in Talent si Princess Mae Bacuno ng City Treasurer’s Office.

Bago simulan ang selebrasyon, isang misa pasasalamat ang isinagawa sa pangunguna ni Msgr. Boy Oriondo.

Ilan sa mga palaro na nilahukan ng mga kawani ang fried chicken eating contest, bato-bato pick, Pasa-Piso at Itanong Mo kay Bes na tulad ng mechanics ng sikat na laro ng ABS CBN na Family Feud.

Exciting din ang raffle kung saan kabilang sa mga major prizes ang cash prize na P 25,000, P 10,000, P 5,000, P 3,000 at P 1,000 mula kay Mayor Beverley Dimacuha at Congressman Marvey Marino. Mayroon ding 49-inch led TV, refrigerators, microwave oven, air cooler, washing machines at iba pang appliances . Ang mga minor prizes naman ay mga bigas, electric fan, gas stove at iba pa.

Hindi naman nagpahuli sa pagpapatawa ang mga naging emcees na sina Noel Silang, hepe ng Public Enployment and Service Office at Aiza Guadez ng GSD.

Tampok sa naturang okasyon ang pagbibigay tribute sa 19 na retirees na edad 65 ngayong taon. Tumanggap sila ng P 6,500 bawat isa.

Sa kanyang mensahe, sinabi ni Congressman Marvey Marino mahalaga ang dangal ng mga empleyado at kung maaari ay higit pa itong maiangat at mapangalagaan.

Pinuri ni Mayor Beverley Dimacuha ang lahat ng kawani at sinabing “We should always strive to be the best”. Ngiti at pasasalamat aniya ng mga pinaglilingkuran ang tunay na sukatan ng pagiging epektibo sa pagseserbisyo publiko. Pinaalalahanan din niya ang lahat na palaging magsilbi ng may paggalang at malasakit sa kapwa. (PIO Batangas City)

• < Prev
• Next >