Palarong Pambansa gold medalists, tumanggap ng cash incentives

Details

Monday, 27 May 2019 - 4:30:00 AM

Batangas City. Tumanggap ng cash incentives mula kay Mayor Beverley Dimacuha ang mga manlalarong taga-lungsod na nagwagi ng gold medal sa Palarong Pambansa na idinaos noong April 28 hanggang May 4, sa Davao City.

Sila ay sina Lemuel John Cuevas at Archie Zaraspe, kapwa pambato ng Calabarzon basketball team at si Stephanie de Chavez na nag iisang taga Batangas City na myembro ng Calabarzon Volleyball team. Sila ay pawang mga grade-6 students ng Saint Bridget College. Tinanghal na kampeon ang CALABARZON basketball at volleyball sa elementary level sa Palarong Pambansa.

Nag courtesy call ang nasabing mga player kay Mayor Dimacuha noong May 24 kasama ang mga sports coordinators mula sa Dep Ed Batangas City na sina Nick Asi at Teofila Baja.

Tumanggap din ng cash incentives mula sa local napamahalaan sina Hazel Ann Suarez ng Talumpok National High School na nag uwi ng sertipiko para sa Athletics event-Long Jump at Roland Medez ng Libjo National High School para naman sa boxing.

Bukod sa mga naiuwing premyo at cash incentives mula sa pamahalaang lungsod, sila rin ay magiging scholars ng Batangas City (EBD) Scholarship Program kung saan sila ay tatanggap ng allowance.

Napili ang mga manlalarong ito na mapabilang sa CALABARZON teams dahil sa ipinakitanilang galing at husay sa mga nabanggit na laro simula pa sa school sports competition, district, division, provincial hanggang sa Regional sports competition. Sumailalim sila sa mahigpit na pagsasanay at paghahanda para sa idinaos na Palarong Pambansa.

• < Prev
• Next >