Tapon to Ipon project, muling isinagawa.

Details

Saturday, 13 November 2021 - 2:08:00 PM

Umabot sa  50 kilo ng empty PET bottles ang nakolekta ng mga residente ng barangay Cuta at poblacion 24 para sa
" Tapon to Ipon" project ng Coca- Cola Phils at ng  pamahalaang lungsod, November 13.
Ito ang ikalawang pagkakataon ng pagsasagawa ng naturang proyekto sa lungsod kung saan  ang mga empty,  transparent at klarong PET bottles ay maaaring ipagpalit  sa Coca Cola products.  
Ang 12 bottles ng single serve o limang 1.5L plastic bottles na ibinalik ay may kapalit na  Coke mismo, Wilkins 500 o Nutriboost.
Ang mga nakolektang empty PET bottles ay dinadala sa recycling facility ng kompanya.
Ayon kay Coca-cola  Stakeholder Relations Director Atty. Mark Anthony Cox,
layunin ng kanilang proyekto na maiwasan ang pagkakalat ng mga plastic bottles sa mga estero, dagat at iba pang lugar.
Ang Batangas City  aniya ang kauna-unahang partner nila sa nasabing proyekto kung saan kitang kita ang suporta ng lokal na pamahalaan at mga residente.
"Nakakakolekta kami ng 150 kilos ng empty PET bottles sa bawat linggo sa collection bins namin." sabi ni Cox.
Nagpaabot ng pasasalamat si Coca-cola Batangas  Area Manager, Allan Lao, kay Mayor Beverley Dimacuha at sa City Environment Office  sa suporta ng mga ito sa proyekto.
"Iniipon  talaga ng mga residente ng lungsod ang empty PET bottles kaya  naman halos wala na tayong makitang kalat  sa paligid ngayon, " pagbibigay diin ni City ENRO Oliver Gonzales.  (PIO Batangas City)

• < Prev
• Next >