May 20 residente mula sa ibat-ibang barangay sa lungsod ang libreng nakapagpatitulo ng lupa sa pamamagitan ng mas pinalawak na programa ng Handog Titulo ni Mayor Beverley Dimacuha para sa mga Batangueno, July 19.

Ang free land titling program ng pamahalaang lungsod ay inilunsad ni dating Mayor Eddie Dimacuha noong 2014 at ipinagpapatuloy ni Mayor Beverley.
Sa ilalim ng programang ito na isinagawa sa ikasiyam na pagkakataon,, libre at mas mabilis ang proseso ng pagpapatitulo ng agricultural at residential na lote na kalimitan ay tumatagal ng isang taon o mahigit pa.

Ang Public Land Titling and Survey Program ay alinsunod sa Republic Act No 10023 na naggagawad ng kapangyarihan sa pagbibigay ng free patents sa lupang residential at agricultural sa pamamagitan ng partnership ng DENR (CENRO & PENRO) at LGU (City ENRO) sa pagpoproseso ng titulo ng lupa.
Ang pwedeng patituluhan ay residential lot na 500msq.m. at pababa at agricultural lot na 501 sq.m. hanggang limang ektarya.

Ayon sa mensahe ni Mayor Dimacuha, hangad niya na makatulong ang nasabing programa sa mga beneficiaries upang maging maalwan ang proseso ng pagpapasa o pagpapamana nito sa kanilang mga anak.

Hiling niya na mapagyaman ng mga ito ang kanilang lupa at huwag aniyang maging dahilan ng gulo sa pamilya o magkaka mag-anak.
Binigyang diin naman ng keynote speaker na si Assistant Regional Director for Technical Services ng DENR-CALABARZON Eriberto Sanos na ang titulo ang absolute proof of ownership.

Sa pamamagitan din aniya ng titulo, ay tataas ang value ng lupa at ito ding dokumentong ito ang magsisilbing proteksyon sa mga may-ari ng lupa.
Sa pamamagitan ng isang audio-visual presentation (AVP), nagpasalamat ang mga beneficiaries sa Land Management Council (LMC) na siyang namamahala ng programang ito.

Ang LMC ay binubuo ng iba’t ibang departamento ng pamahalaang lokal katuwang ang Department of Agrarian Reform, Clerk of Court, Register of Deeds at Metro Batangas Business Club.

Nagkaroon din ng ceremonial signing ng Memorandum of Agreement for the preparation and drafting of Forest Land Use Plan (FLUP) na nilagdaan nina Mayor Dimacuha at Asst. RD Sanos.

Ito ay sinaksihan nina Vice Mayor Alyssa Cruz, City Environment Officer Oliver Gonzales, PENR Officer Noel Recillo, Lipa CENR Officer Allan Estillore, CPD Officer Gilda Godoy at Councilor Armando Lazarte na syang Chairman ng Committee on Environment and Urban Development, Land Use and Zoning
Dumalo din sa free patent awarding ceremony sina City Administrator Sonny Godoy, City Assessor Engr. Ruel Bool at ang kinatawan ng Liga ng mga Barangay na si dating Barangay Chairperson Digna Fajarito.

Ang naturang okasyon ay pinangasiwaan ng mga kawani ng City Environment Office.

#PalakatBatangasCity #PIOBatsCity #EtoBatangueñoDisiplinado #MagkatuwangTayo #EBDmagkatuwangtayo
#batangascity55thfoundinganniversary