Batangas City naghahanda na sa tag-ulan

Details

Friday, 03 June 2016 - 12:00:00 AM

Sa pagpasok ng Hunyo, panahon na ng tag-ulan at mga bagyo kaya naman naghahanda na ang City Disaster Risk Reduction and Management Council (CDRRMN) para sa kaligtasan at seguridad ng lungsod.

Enero pa lang ng taon, nagsisimula na ang paghahanda at ito ay buong taong tuloy tuloy ang pagsasagawa kung saan binibigyan ng update ang mga tao sa kanilang mga gawain sa pamamagitan ng Facebook page na Batangas Cdrrmo at Doc Batscity.

Isa sa mga naisagawa na ang pakikipagpulong ng CDRRMO at BDRRMO sa mga residente na nakatira sa landslide- prone area sa Barangay Mahabang Dahilig kung saan ipinaalam sa kanila ang mga nakaambang panganib sa lugar na kanilang tinitirahan.

Una ang kapakanan ng bawat pamilya, mayroong Family Disaster Awareness Seminar/Orientation na isinagawa sa ilang mga sitios at purok sa may 11 barangay kung saan ang mga kalahok ay tinuruan sa Hazard Assessment/Identification, Fire Safety and Prevention, Pre-emptive and Forced Evacuation Policies, Camp Management, Health in Emergencies(WASH) at Waste Management.

Nakapagsagawa rin ang CDRRMO ng Standard First Aid and Basic Life Support Orientation at Family Disaster Awareness seminar sa may 20 Summer Program for the Employment of Students(SPES) grantees kasama na ang pagiging guest speakers sa mga pagsasanay sa mga eskwelahan at business establishments.

Nakapagsagawa rin ng pagsasanay sa Basic Incident Command System, Rescue Diving, Family Disaster Management Training at mga earth quake at fire safety drills sa iba’t ibang sektor ng komunidad.

Kasama sa preparedness ang maintenance ng mga rescue equipment.

Bilang mitigation measures, may Assessment of Risks and Vulnerabilities ng Barangay Malitam , Dumuclay, Calumpang Riverside mula Gulod hanggang Malitam at Cuta para sa funding assistance ng national at international agencies kung saan ito ay gagamitin sa construction ng dike at flood control projects.

Upang maiwasan ang pagbaha, nagsasagawa ng clearing and declogging ng canal sa Barangay Calicanto, outfall sa Barangay21, Cuta, Sta. Clara at dredging sa Sta. Clara.

Ang mga infrastructure projects ay ang construction ng dike sa Barangay Libjo, at Pallocan at repair ng 10 canal sa ilang mga kalsada sa poblacion.

Nagsasagawa naman ng trimming ng mga punong kahoy na nakakahambala ang Office of the City Veterinary and Agricultural Services. ( PIO Batangas City)

• < Prev
• Next >