Pagmamahal sa lungsod, mensahe ng Batangas City Day celebration

Details

Wednesday, 14 June 2017 - 4:47:20 PM

BATANGAS CITY- Pagmamahal sa Lungsod ng Batangas ang mensaheng nais iparating ng pagdiriwang ng 48th Batangas City Foundation Day sa July 23, sa pamamagitan ng ilang mga gawaing inihanda kung saan ipinakikita rin ang pagkakaisa at magandang samahan ng mga taga lungsod.

Ayon kay Ed Borbon, vice-chairman ng Cultural Affairs Committee, ang gawaing Sinsay na sa Batangan na may temang Isayaw, Isigaw Lungsod kong Mahal ay isang “tourism activity inviting people to come to Batangas City.” Magkakaroon dito ng street dancing competition sa saliw ng orihinal na kantang Batangas Lungsod kong Mahal kung saan ang mga dancers ay magpapaklita ng kanilang interpretation ng naturang kanta.

May tatlong kategorya ng dancers ang lalahok sa street dancing : mula sa mga paaralan, city government employees at community. Ang street dancing ay gagawin sa July 22 bandang 8:00 ng umaga sa mga sumusunod na ruta: Mula sa Batangas City Convention Center kaliwa sa DJPMM Access Road kaliwa sa D. Silang St. kanan sa D. Atienza St. kanan sa C. Tirona St., kaliwa sa P. Burgos St. Hanggang sa Corner Rizal Ave. Ito ay magtatapos sa Cheer Dancing contest sa harap ng Gusaling Pang-Kapayapaan at Kalikasan kung saan ang kantang Batangas Lungsod kong Mahal ay pwedeng samahan ng remix.

Pagkatapos ng street dancing ay ang Pagbubukas ng Haying Batangan bandang 11:00 ng umaga. Mayroon ditong Lupakan at Awitan kasunod ang contest sa pasarapan ng mga specialties ng mga Batangueño kagaya ng kalderetang Batangan(restaurants, catering services), bulanglang (housewives), katutubong minatamis na gawa ng mga senior citizens at creative pakaskas concoction na sasalihan ng mga HRM/Culinary Arts students. (PIO Batangas City)

• < Prev
• Next >