Christmas kick off sa Batangas City muling nagpaganda ng gabi

Details

Tuesday, 04 December 2018 - 3:00:59 PM

Opisyal ng sinimulan ang pagdiriwang ng Pasko sa Batangas City sa pamamagitan ng ceremonial switch on ng christmas lghts sa kahabaan ng P. Buros St. papunta sa Plaza Mabini, City Hall at mga kalapit na kalye sa poblacion.

Inabangan ito ng mga tao sa Plaza Mabini kung saan excited ang marami na mag picture- taking sa background ng mga naggagandahang LED lights at Christmas decorations.

Ang seremonya ay pinangunahan ni Mayor Beverley Rose Dimacuha, City Councilors at mga department heads ng pamahalaang lungsod pagkatapos ng isang maikling cultural program sa Amphitheatre ng Plaza Mabini.

Nagtanghal sa nasabing programa ang Dangal ng Lungsod ng Batangas Chorale, Likhang Sining Dance Company ng Marian Learning Center and Science High School kabilang na dito ang performances ng mga singers ng nasabing grupo, at Batangas National High School Special Program in the Arts Symphony Orchestra. (PIO Batangas City)

• < Prev
• Next >