Pagtatapon ng dumi ng baboy sa Calumpang River tinalakay

Details

Monday, 22 April 2019 - 9:39:00 AM

BATANGAS CITY-Nagdaos ng pagpupulong ang Batangas City Environment and Natural Resources Office (ENRO) sa mahigit 800 hog-raisers sa Batangas City kasama ang mga kinatawan ng mga hog-raisers sa pitong local government units (LGUs) sa Batangas Province noong April 16 sa Batangas City Convention Center upang talakayin ang pagtatapon ng dumi ng baboy sa Calumpang Riiver at masolusyunan ito.

Ang mga LGUs na pinanggagalingan ng dumi ng baboy sa Calumpang River ay ang Batangas City, Lipa City, Taysan, Sa Jose, Rosario, Ibaan, Cuenca at Padre Garcia
Upang magkaisa at magkatulong tulong ang mga hog-raisers ng mga LGUs na ito na matugunan ang matagal ng pagtatapon ng dumi ng baboy na isa sa mga nagdudulot na malubhang polusyon ng nasabing major river ng Batangas City, inilunsad ng City ENRO ang Calumpang River Tributaries sa pagdiriwang ng Earth Day. . Ito rin ay alinsunod sa Republic Act 9275 o Philippine Water Act of 2004.

Sa isinagawang Batangas City Swine Business Summit, sinabi ni Atty Maria Paz Luna, OIC regional executive director ng DENR, kahit ano ang dami ng baboy na inaalagaan, kailangang kumuha ng discharge permit sa DENR. Ang hindi tumupad dito ay magbabayad ng multang P10,000 bawat araw. Sinabi rin niya na kailangan magpagawa sila ng septic tank para sa tamang disposal ng dumi ng baboy.

Ayon pa rin kay Atty. Luna, kapag may 100 o mahigit pa ang alagay baboy, kailangan ng kumuha ng environmental compliance certificate at magpatayo ng treatment plant.
“Sumunod po tayo sa batas at kung di ninyo kaya, sabihin ninyo sa amin at tutulungan naming kayong maka comply,” sabi ni ni Atty. Luna. (Jeanette Reye - OJT-PIO \ Sergio Azul- OJT-PIO)

• < Prev
• Next >