Mga gurong magsisilbi sa eleksyon inihahanda na ng Comelec

Details

Thursday, 25 April 2019 - 9:39:00 AM

BATANGAS CITY- Bilang pag hahanda sa darating na midterm elections sa May 13, ang Comelec Batangas City ay nagsimula na sa dalawang araw na refresher training (April24-25) sa sports coliseum ng mga guro na siyang magiging electoral board (EB), Department of Education Supervisor Official (DESO) at DESO Technical Support Staff.

Ang EB ay binubuo ng chairperson, poll clerk at isang miyebro na siyang mangangasiwa sa vote counting machine (VCM).

Sinabi ni Atty. Gretchen Dolatre, Batangas City Comelec officer, na mahalaga ang papel na gagampanan ng mga EB lalo na sa bilangan ng boto. Bawat presinto ay magkakaron ng nakatalagang EB at DESO technical staff na siyang mangangasiwa sa mga taong boboto at sa pagbilang ng mga boto.

Idinagdag pa ni Atty. Dolatre na may ilang reminders na dapat tandaan ang mga EB tulad ng paggamit ng thermal paper ng machine, transmission ng election results gamit ang Secure Dgital memory card para sa USB modem, at marking pens. Hindi na gagamitin ang marking pens na supply ng Comelec ngayong 2019 dahil sa matagal matuyo ang ink kung kayat maaari itong maging dahilan ng error ng machine. Maari lamang gamitin ang ball pen o yung may tatak na 2016 marking pen ng Comelec.

Sinabi naman ni Thelma Nayve, Meralco public relations officer, na sinisigurado ng kanilang public utility na hindi mawawalan ng kuryente sa araw ng eleksyon at kung sakaling magkaroon ng aberya sa power supply, mayroon silang nakalaang generator set na agad magagamit. Nagbigay din sila ng paalaala sa mga EB at DESO na kung sakaling mayroon silang mapansin kaugnay ng power supply, maaari aniyang ipagbigay alam kaagad ito sa kanilang tanggapan. (PIO Batangas City)

• < Prev
• Next >