Malawak na evacuation area sa paaralan mahalaga sa paghahanda sa lindol

Details

Friday, 21 June 2019 - 4:35:00 AM

BATANGAS CITY- Kailangan ng isang malawak na evacuation center sa isang paarlan bilang bahagi ng paghahanda sa lindol.

Ito ang kailangan ng Soro-soro Elementary School na lumahok sa unang pagkakataon sa second quarter simultaneous national earthquake drill, June 20, na pinamahalaan ng City Disaster Risk Reduction and Management Office (CDRRMO). Isa ito sa binigyan ng pansin ng binuong evaluation team matapos ang drill.

Pagtunog ng siren bandang 2:00 ng hapon, nag duck, cover and hold ang may 956 na estudyante at pagkatapos ng isang minuto ay maayos ng lumabas ng kanilang mga kwarto, lumiban ng kalsada patungo sa evacuation area na nasa isang open space.

Nakita rin sa evaluation na bagamat may incident command system, walang naitayong command post, rescue team at medical team ang paaralan.

Sinabi ni Gng. Maricel Chavez, principal ng SSES, na bagamat hindi nila na perfect ang naturang drill, handa silang tumanggap ng mga suggestions at recommendations ng mga evaluators , “sa ganitong paraan, mas madadagdagan ang aming kaalaman at kasanayan na magampanan ang aming tungkuling makapgligtas ng buhay sa panahon ng kalamidad, Palagian din naming gagawin ang ganitong drill upang maihanda rin namin ang mga tao at komunidad kung paanong tutugon sa sitwasyon at mabawasan ang pag papanic,” dagdag pa ng principal.
Para naman kay Ma. Cristina Coliyat, chairman ng DRRMC ng nasabing paaralan, “magandang magkaroon ng ganitong drill dahil maraming estudyante na nag papanic agad at hindi sanay sa ganitong mga sitwasyon kaya mainam ang may alam at kasanayan.”

Samantala kasabay na nagsagawa din ng earthquake drill ang Pedro S. Tolentino National High School sa Ilijan, Philhealth Batangas City at Batangas City Hall. PIO Batangas City

• < Prev
• Next >