Oplan Palikuran launch at MOA signing with partners isinagawa ng Shell Foundation

Details

Wednesday, 10 July 2019 - 11:30:00 AM

BATANGAS CITY-Isinagawa ng Pilipinas Shell Foundation, Inc. (PSFI) ang turnover ng toilet facility sa may 17 households na Oplan Palikuran beneficiaries sa barangay Ambulong noong July 8.

Pinagkalooban din ang bawat isa ng pladtic na timba na may lamang panlinis ng palikuran.

Layunin ng proyektong ito na mabigyan ng access sa clean water and sanitation facilities ang mga walang palikuran para sa kanilang kalusugan at kalinisan ng kapaligiran.

Ayon kay Sebastian Quiniones Jr., executive director ng PSPI, 39% lamang ng mga tao sa buong mundo ang may sanitary toilet facilities kung kayat mas malaking porsyento ang dapat magkaroon ng access sa ganitong pasilidad. Nagulat aniya sila sa datos na nakuha nila na maraming mga kabahayan sa Ambulong ang walang palikuran kung kayat nagdesisyun silang gawin itong proyekto.

Simabi ni Pangulong Manalo Macatangay na ang mga beneficiaries ng proyektong ito ay dating nakikigamit lamang ng palikuran sa kanilang mga kamaganak.

Katulong ng PSFI dito ang barangay sa pagpili ng mga beneficiaries, ang Sanitation Division ng City Health Office na siyang nag set ng standards para sa isang sanitary toilet at ang Lyceum of the Philippines University-Batangas.

Requirements ng PSFI para maging beneficiary ng proyekto ay dapat residente ng Ambulong , may sariling lupa na pagtatayuan ng palikuran, at ang kinikita ay mababa pa sa minimum wage.

Isinagawa ang pagbibigay ng deed of donation sa mga beneficiaries ni Quiniones kasama si Pangulong Macatangay ng Ambulong.

Nagkaroon din ng Memorandum of Agreemetn signing ang PSFI sa mga partners nito sa iba pang community projects nito.

Ang MOA sa Community Road Safety ay nilagdaan ng kinatawan ng PSFi kasama ang Libjo at Department of Public Works and Highways; ang Assessment of Road Safety for Children Program sa pakikipagtuwang sa Batangas State University; at ang Handa at Alerto sa Napapanahong Disgrasya katuwang ang Libjo at Bureau of Fire Protection Batangas City.

• < Prev
• Next >