Pag-iwas sa teen pregnancy tema ng poster making contest

Details

Friday, 12 July 2019 - 11:35:00 AM

BATANGAS CITY-Ipinagdiwang ng Popultion Division ng City Health Ofice ang World Population Day, July 11, sa pamamagitan ng pagsasagawa ng Poster Making contest na nilahukan ng may 13 high school students mula sa mga pubic schools sa lungsod sa temang ”Ang Pag-aaral ay para sa Hinaharap, Huwag Ipagpalit sa Sandaling Sarap”.

Ang patimpalak na ginanap sa Function Hall ng Batangas National High School ay naglalayong mapalawak ang awareness ng mga kabataan na iwasan ang teen pregnancy at sa halip ay pagtuunan ng pansin ang pag-aaral upang magkaroon ng magandang kinabukasan.

Ang lumalaking bilang ng teen pregnancy ang isa sa mga dahilan ng paglobo ng populasyon

Ayon kay City Health Officer Rosanna Barrion, “ang aktibidad na ito ay bahagi ng pagsusulong upang magsilbing avenue para matulungan natin ang lungsod sa pagpapaganda ng mga programa para sa mga adolescents.”
Patuloy din silang makikipagtulungan sa mga barangay na maipaabot ang lahat nilang programa sa mga kabataan.

Binati naman ni Marlyn Ugaya, assistant regional director ng Population Commission Region IV- A ang Popcom Division dahil ang Batangas City lamang ang may Sustaining Population Office, Barangay Service Point Officers (BSPO) Association at Population Management Program sa buong rehiyon.

Naging batayan sa pagpili ng nanalo sa patimpalak ay ang creativity and presentation, originality, relevance to the theme at color harmony.
Nanalo ng first place si Jordan Chavez ng Sto Nino National High School, second si Shrine Alexie Prulla ng Balete Integrated School at third si Charmagne Calvara ng Libjo National High School. Tumanggap din sila ng cash prize na mula P2, 000-P4, 000.

• < Prev
• Next >