Titulo sa lupa ipinagkaloob ng Shell sa Malitam relocatees

  1.jpg 2.jpg 3.jpg 4.jpg 5.jpg


BATANGAS CITY- Pagkatapos ng ilang dekada ng paghhintay at pagtatiyaga, sa wakas ay natanggap na rin ng may 83 residente sa barangay Malitam ang titulo sa lupang kanlilang inookupa na ipinakaloob ng Shell Refinery.

Ang awarding ng titulo ay isinagawa ng Tabangao Realty, Incorporated (TRI) September 12, sa Shell Taclobo Club House.

Taong 1984 ng simulan ang construction ng Shell Gas Easter, Inc. sa lugar na dating tinitirahan ng may 90 pamilya sa “old” Malitam. Sa pamamagitan ng isang maayos na resettlement program, na relocate ang mga ito sa dalawang malaking parcels ng lupa na binili ng TRI.

Nagkaroon ng ilang mga issues sa proseso ng pagpapatitulo ng mga lupa kung kayat ito ay nagtagal. Noong 2011, pinatotohanan ng Regional Trial Court ang legitmate sale ng mga lote sa TRI na nagresulta sa pagkakatitulo ng dalawang main lots ng Registry of Deeds- 2011000002 LOT 9793 at 201100000.3 LOT 15592.

Maluha-luha sa tuwa si Lola Anselma Holgado 74 years old ng Barangay Malitam ng kanyang tanggapin ang certificate of title of land ownership mula sa TRI.

Ayon kay Floro Dapula, dating pangulo ng Malitam , halos 30 taon ang kanilang hinintay bago naayos at natapos ang pag proseso sa mga dokumento, “Ngayon araw na ito ay masasabi ko na isa sa makabuluhan at makasaysayan araw na ito para sa mga taga barangay Malitam ang ipamahagi sa amin ang titulo ng lupa. Nagpapasalamat din ako sa TRI at sa Shell Refinery dahil hindi nila kami pinabayaan na makamit ang hinhintay namin sa matagal na panahon na mapasa amin ang lupa na aming tinitirikan.”

Sa kanyang mensahe, sinabi ni Mayor Beverley Dimacuha na “sana bigyan ninyo ng halaga ang pag kakaloob sa inyo nitong titulo, huwag sana ninyo ito gamitin na i pang prenda o kolateral bagkus ay pagyamanin dahil ito lang ang maari ninyo ipamana sa inyong mga mga anak o sa mga susunod pang henerasyon.”

Dumalo din sa okasyong ito sina TRI Gen. Manager Vincent Salvador, Shell Tabangao Refinery External Relations Manager. Dar Guamos, Shell Refinery Country External Manager Serge Bernal, Edwin Reyes ng Shell at Barangay Chairman Mamerto Marasigan. (PIO Batangas City)