Batangas City Police tumanggap ng ikalawang Silver Eagle Award

Details

Tuesday, 17 September 2019 - 9:35:00 AM

Muling ginawaran ng Silver Eagle Award ang Batangas City Police Station (BCPS) dahil sa outstanding commitment nito, malaking suporta at epektibong implementasyon ng Philippine National Police-Peace and Order Agenda for Transformation and Upholding the Rule of Law o PNP-PLAN 2030 na siyang vision ng PNP at batayan ng lahat ng programa at mga gawain nito.

Ginanap ang awarding ceremony noong September 5, sa pagdiriwang ng 118th Police Service Anniversary sa Camp BGen Vicente P. Lim sa Calamba City.

Unang tumanggap ng Silver Eagle Award ang City Police Station noong 2015.

Iprenesenta nina Batangas City PNP Chief, PSupt Sancho Celedio, mga opisyal nito at ng PNP Advisory Council ang naturang award kay Mayor Beverley Dimacuha bilang pagkilala sa napakalaking suporta ng Mayor sa mga programa at gawain ng kapulisan.

Binati at pinasalamatan naman ni Mayor Dimacuha ang mga ito sa kanilang accomplishments bunga ng kanilang mahusay at tapat na paglilingkod . Aniya ipagpapatuloy ng kanyang administrasyon ang suporta sa kapulisan.

Nakakuha rin ang BCPS ng highest rating sa Proficiency Evaluation Process Performance Audit ng PNP PLAN 2030 sa taong ito. Minarkahan ang himpilan ng pulisya ayon sa limang elements tulad ng Functionality of Strategy Partners, Analysis and Examination of Strategy Execution, Stakeholder Communication, Initiative Management at Best Practices.

Binigyang ng mataas na puntos ang Stakeholder Communicatioin kung saan nakapaloob dito ang maayos na implementasyon ng communication plan, kagaya ng information education campaign sa mga programa ng kapulisan tulad ng anti-drugs at iba pa gamit ang mga information materials, mass at social media.

Mataas na puntos rin ang nakuha sa Functionality of Strategy Partners. Ito ay ang mga suporta ng mga katuwang na ahensya ng City PNP tulad ng Advisory Council (AC) na binubuo ng mga kinatawan mula sa iba’t ibang sektor.

Ang evaluation/assessment ng city police performance ay isinagawa ng auditing team sa pamamagitan ng random interview sa mga police personnel at members ng AC, on -site visit sa iba’t ibang tanggapan ng Batangas City Police Station at mga Police Assistance Center (PAC) sa barangay Alangilan, Balagtas at Bolbok, at review ng mga dokumento at records ng himpilan. (PIO Batangas City)

• < Prev
• Next >