High school seniors sumasailalim sa work immersion sa city gov’t. offices

Details

Tuesday, 12 November 2019 - 6:08:00 AM

May 33 Grade 12 students ng Marian Learning Center and Science High School (MLCSH) ang sumailalim sa work immersion sa ilang mga opisina ng pamahalaang lungsod ng Batangas, November 11- 12, upang malaman nila ang functions at operasyon ng mga ito bilang requirement sa kanilang graduation.

Ayon kay Kevin De Castro, work immersion teacher, taong 2015 sila nag offer ng ibat-ibang track tulad ng Humanities in Social Science (HUMSS) HUMMS, Information, Communication Technology (ICT), Tech Voc, Welding at STEM subalit ito ang unang pagkakataon na pumunta sila sa ibat-ibang tanggapan ng pamahalaang lungsod.

“Layunin nito na mabigyan ng pagkakataon ang mga senior high school students na makita ang “real work situation” at matutunan ang work ethics at values na hindi matututunan sa pagbabasa lamang ng aklat,” sabi niya.

Sa unang araw ay nagpunta sila sa Sangguniang Panglungsod at nagkaroon ng pagkakataong makapanood ng sesyon.

Sa ikalawang araw naman ay nagtungo sila sa Batangas City PNP, Tourism Office, Public Information Office (PIO) at Human Resource Management (HRM).

Ayon kay Zandra Mago, 18 taong gulang na grade 12 HUMSS student ng MLCSH, nais niyang maging broadcaster sa hinaharap. Marami aniya silang natutunan at lumawak ang kaalaman sa functions ng local government at nakita ang mahalagang papel na ginagampanan ng PIO sa paghahatid ng mahahalagang impormasyon sa publiko .

Lubos ang kanilang pasasalamat sa pagkakataong ipinagkaloob at pag-accommodate sa kanila ng pamahalaang lungsod.

Samantala, may 14 na Grade 12 STEM students ng Paharang Integrated School ang sumasailalim ngayon sa work immersion sa mga departamento ng pamahalaang lungsod. Ito ay mandato ng Department of Education na naglalayong mabigyan ng pagkakataon ang mga senior high school students na mai-expose sa ibat-ibang trabaho at larangan na makakatulong sa kanilang career sa hinaharap. Ang 80-hour immersion ay nagsimula noong November 11 at tatagal hanggang November 22. (PIO Batangas City

• < Prev
• Next >