Batangas City Police nagdaos ng Fun Bike for a Cause

Details

Monday, 23 December 2019 - 12:38:00 PM

BATANGAS CITY- Isinagawa ng Batangas City Police ang 30- km Fun Bike for a Cause kung saan mahigit na 91 siklista sa lungsod ang lumahok noog December 21 hindi lamang bilang isang fund-raising activity kundi upang i promote ang biking bilang isang healthy lifestyle.

Nagsimula ang Fun Bike bandang 5:00 am at nagsimula sa harap ng police headquarters papuntang Paharang, Gulod Itaas, Don Ramos, Balagtas, diversion road papuntang P. Burgos balik sa point of origin.

Ang pondong makakalap dito ay gagamitin sa lahat ng proyekto at programa ng Police Community Relations Division.

Ayon kay Pol. Capt. Julius Almeda, laynin din nito na makapag bigay saya ngayong kapaskuhan. “Hindi ito karera o paligsahan kundi nais lamang naming makapag bike ng masaya at ligtas.”

Nagbigay ng trophy sa unang apat na nakaabot sa finish line, nagkaron din ng raffle na ang napanalunan ay dalawang bisikleta at iba pang consolations prizes. (PIO Batangas City)

• < Prev
• Next >