APIR ng GSIS, suspendido

Details

Thursday, 13 August 2020 - 1:17:31 PM

Dahil sa nararanasang COVID 19 pandemic, sinuspindi ng Government Service Insurance System (GSIS) ang Annual Pensioners Information Revalidation (APIR) hanggang ika-31 ng Disyembre 2020.

Ayon kay GSIS Batangas Branch Manager Leon Ma Fajardo, hangad nila na mapangalagaan ang kapakanan at masiguro ang kaligtasan ng kanilang mga pensioners kung kayat hindi na kailangan ng mga ito na pumunta sa kanilang tanggapan. Upang ma-update ang records, kailangan lamang i-email ang pangalan at contact number ng pensioner sa This email address is being protected from spambots. You need JavaScript enabled to view it. o tumawag sa telepono bilang (043)723-4345 at (043)723-4123.

Bisitahin lamang aniya ang website ng ahensya para sa instruction sa pag-uupdate ng kanilang status. Binigyang diin ni Fajardo na lahat ng pensioners na magdiriwang ng kanilang kaarawan ngayong Agosto ay required na mag update ng active status upang hindi mapatigil ang kanilang pension.

Hinihikayat din ang mga pensioner na gumamit ng ibat-ibang video conferencing method tulad ng FB messenger, viber, zoom or skype para sa full implementation ng Online APIR sa susunod na taon.

Sa kasalukuyan ay may 60,000 pensioners sa Batangas at Romblon.

Samantala, mas pinalawig pa ang covid19 emergency loan sa mga aktibong myembro at pensioners ng GSIS upang matulungan silang makaraos sa kanilang mga financial difficulties.

Ang aplikasyon ay tatagal hanggang September 10. Ibinalita din ni Fajardo na maaari na muling mag-avail ng GSIS Financial Assistance Loan (GFAL) para sa mga myembrong nahihirapang bayaran ang mga utang nila sa mga private lending institutions.

Maaaring isubmit ang requirements sa kanilang tanggapan at pwede ding on-line ang application nito.

Contactless din aniya ang filing ng claims para sa retirement, funeral benefits, separation benefits, maturity at iba pang benepisyong kanilang ipinagkakaloob sa kanilang mga myembro. (PIO Batangas City)

• < Prev
• Next >