Human Resource Management and Development Office ng pamahalaang lungsod, pinarangalan ng Civil Service Commission

Details

Monday, 07 September 2020 - 12:08:31 PM

Ginawaran ng Bronze PRIME-HRM (Enhanced Program to Institutionalize Meritocracy and Excellence in Human Resource Management) ng Civil Service Commission (CSC) ang Human Resource Management and Development Office (HRMDO) ng pamahalaang lungsod ng Batangas sa pamamagitan ng virtual recognition rites, September 4.

Ang nasabing parangal ay ipinagkaloob dahil sa mahusay na pagsunod at pagpapatupad ng Batangas City government sa apat na HRM core systems na kinabibilangan ng Recruitment Selection and Placement, Performance Management, Learning and Development at Rewards and Recognitions.

Magugunita na nakapasa sa regional level ng accreditation ang Batangas City-HRMDO kung saan ito ay ginawaran ng certificate of recognition ng CSC Region IV-A noong December 2019. Ito ang nagbigay ng pagkakataon sa Batangas City na mag-qualify sa national level awarding ng CSC. Ilan sa binigyang puntos ng CSC ay ang mga ipinatutupad na guidelines ng HRMDO para sa recruitment at promotion ng mga empleyado tulad ng background investigation, examination, panel interview ng Personnel Selection Board (PSB) at iba pa.

Mayroon din ang HRMDO na approved merit and promotion and selection plan, equal employment opportunities kagaya ng pag-eempleyo sa mga may kapansanan at regular orientation sa mga empleyado. Sa Performance Management, mayroon silang monitoring tool para sa performance ng mga empleyado, at individual development plan para sa long at short term goal ng mga ito. Dito ay nakikita ng nabanggit na tanggapan kung saang area mahina ang performance ng isang kawani kung saan nagbibigay sila ng interventions.

Ipinatutupad din ng HRMDO ang ibat ibang orientation workshops, internal at external trainings upang higit na maitaas ang antas ng kakayahan ng mga kawani sa hangaring makapagbigay ng ibayong serbisyo sa publiko.

Nagbibigay din ng recognitions and awards ang city government sa mga natatanging empleyado at mga retirees na nagbigay ng mahusay na serbisyo. (PIO Batangas City)

• < Prev
• Next >