Konstruksyon ng mga proyekto para sa disaster preparedness tapos na

Details

Wednesday, 09 June 2021 - 4:49:01 PM

Kasabay ng pagpasok ng panahon ng tag-ulan ay ang pagtatapos ng konstruksyon ng mga proyekto ng pamahalaang lungsod para sa disaster preparedness.

Ito ay ayon sa ulat ng Chairman ng Committee on Disaster Prevention & Mitigation na si City Engineer Adela Hernandez sa idinaos na 2nd quarterly meeting ng City Disaster Risk Reduction Management Council (CDRRMC) noong June 8.

Kabilang sa mga DRRM completed projects na ito ay ang konstruksyon ng kanal sa barangay Mahacot Silangan at ang pagpapagawa ng satellite Disaster Operations Center (Dispatch Center for water Asset) - Phase 1 sa barangay Poblacion 4.

Natapos na rin ang rehabilitasyon ng kanal sa barangay Poblacion 2, Malitam, San Isidro, Tangisan Road sa Libjo; Sitio III-C sa Alangilan, Purok 7 at Puyo sa Sta. Clara. Mula sa pondo ng barangay ay naisaaayos ang seawall ng Sitio Maalbo sa barangay Dela Paz Proper.

Natapos na rin ang repair ng seawall sa Dela Paz Pulot Aplaya at Sitio Salalak sa Sta. Clara Ibaba gayundin ang riprap river control sa Mabacong at Purok 2 & 5 sa Talahib Payapa.

Nakumpleto na rin ang rehabilitation at installation ng canal cover, construction ng spillway at concreting ng mga karsada sa iba’t ibang barangay. Ayon kay Hernandez, bukod sa mga nasabing pagawain, patuloy ang kanilang tanggapan sa paglilinis ng mga drainage at pagrerepair ng manhole cover upang maiwasan ang pagbara na nagdudulot ng mga pagbaha. (PIO Batangas City)

• < Prev
• Next >