Webinar para sa Mental Health Awareness ng mga PWD, isinagawa

  1.png 10.png 11.png 12.png 13.png 14.png 15.png 16.jpg 16.png 17.png 18.png 19.png 2.png 20.png 3.png 4.png 5.png 6.png 7.png 8.png 9.png

Isang online webinar ang isinagawa ng City Social Welfare & Development Office (CSWDO) noong ika-14 ng Hulyo na naglalayong mapalakas ang kampanya hinggil sa mental health awareness ng mga persons with disabilities (PWD) lalot higit ngayong panahon ng pandemya.

Nagsilbing resource speaker ang Chapter Executive Manager ng Philippine Mental Health Association na si Hazel Magpantay kung saan nagbigay siya ng mahahalagang impormasyon hingil sa maaaring maranasan ng mga PWD’s ngayong may COVID-19 pandemic at nagbigay din ng payo kung paano malalampasan ang mga challenges na ito. Malaki aniya ang epekto ng nararanasang krisis sa mental health ng mga PWD kung kayat mahalaga na matulungan ang mga magulang ng mga ito sa mga paraan kung paano magagabayan ang kanilang mga anak.

Binigyang diin ni CSWD Officer Mila Espanola na malaki ang tulong at suportang ipinagkakaloob ni Mayor Beverley Dimacuha sa pagpapatupad ng mga proyekto at programa para sa mga may kapansanan sa lungsod. Nagpaabot ng pasasalamat ang mga myembro ng PWD Federation sa pagbibigay ng halaga at sa pagkalingang ipinagkakaloob sa kanila ng lokal na pamahalaan.

Ang nasabing gawain ay bilang pagunita sa ika-43rd National Disability Prevention & Rehabilitation (NDPR) Week na may temang “Kalusugan at Kaunlaran ng Pilipinong may kapansanan Isulong sa Gitna ng Pandemya” (PIO Batangas City)