Search for Best Employee, isinagawa ng Batangas City government

Details

Tuesday, 28 December 2021 - 4:09:25 PM

Wagi si Maria Claret Godoy ng City Planning and Development Office (CPDO) sa Search for Best Employee ng Batangas City government para sa taong 2020-2021.

Si Godoy ay isang licensed Environment Planner at kasalukuyang Project Evaluation Officer I sa nabanggit na tanggapan. Siya ay 9 na taon ng kawani ng pamahalaang lungsod. Layunin ng patimpalak na bigyang parangal ang mga empleyado na nagbahagi ng mga innovative ideas, superior accomplishments, exemplary behavior at ibang pang personal na kontribusyon na nakatulong sa pagpapaunlad ng serbisyo ng pamahalaang lokal.

Kabilang sa criteria ay ang natatanging pagganap sa tungkulin ng empleyado base sa kanyang actual performance of duties and function. Nakapaloob dito ang kanyang accomplishments mula July 2020 hanggang June 2021 na nagpakita ng kaniyang kontribusyon upang maging produktibo ang ahensya, departmento, mga katrabaho at komunidad.

Naging batayan rin ang Individual Performance Commitment and Review (IPCR) rating, work attitude ng mga empleyado at iba pa. May 17 na kawani sa ibat-ibang departamento ang naglaban laban sa Search for Best Employee. Si Godoy at ang 16 pang nominado ay tumanggap ng cash prize at plaque of recognition mula kay Mayor Beverley Dimacuha.

Ang search ay pinamahalaan ng Human Resource Development Management Office (HRMDO) katuwang ang Program on Awards and Incentives for Service Excellence (PRAISE) Committee na siyang nagsagawa ng assessment and evaluation sa mga nominado ayon sa itinakdang criteria for selection. Katulong din dito ang ilang pribadong indibidwal. (PIO Batangas City)

• < Prev
• Next >