Colegio ng Lungsod ng Batangas, nagdaos ng 15th Commencement Exercises

Details

Friday, 29 July 2022 - 4:20:14 PM

Dalawa ang cum laude sa idinaos na 15th commencement exercises ng Colegio ng Lungsod ng Batangas (CLB) sa Batangas City Coliseum kung saan may 183 city government scholars ang nagtapos ngayong araw, July 29. Sila ay sina Rishel Mendoza na nagtapos ng Bachelor in Elementary Education at si Juvielyn Lacdao na kumuha naman ng Bachelor of Science in Business Administration.

Sa kanyang farewell address, ibinahagi ni Mendoza ang paghihirap na kanyang naranasan sa pagiging working student at ang mga struggles na kanyang nalampasan upang makapagtapos sa pag-aaral. “Sa CLB, may katuparan ang pangarap,” sabi ni Rishel. Nagpaabot siya ng taos pusong pasasalamat kay dating Mayor Eduardo Dimacuha na siyang nagtatag ng CLB upang mabigyan ng pagkakataong makatapos sa pag-aaral ang mga kapuspalad subalit karapatdapat na mga mag-aaral ng lungsod.

Naging commencement speaker si Dr Rene Colocar, ang President ng Marikina Polythechnic College at ng Association of Local Colleges and Universities – Phils. Ayon sa kanya, ang naturang pagtatapos ay simula pa lamang ng bagong chapter ng buhay ng mga graduates. Binigyang diin niya na ang “victory at milestone” na narating ng mga nagsipagtapos ay dahil sa kanilang mga magulang. Hinamon din niya ang mga ito bilang unang batch ng K-12 graduates na gamitin ang kanilang mga natutunan upang magtagumpay sa buhay.

Ang paggawad ng certificates sa mga nagsipagtapos ay ginampanan ni CLB College Administrator Dr. Lorna Gappi. Naggawad din ang nabanggit na paaralan ng Academic at Non-academic awards. Pinangunahan ni Lacdao ang pledge of loyalty.

Nakiisa sa nasabing okasyon si Congressman Marvey Mariño bilang kinatawan ni Mayor Beverley Dimacuha. Tema ng pagtatapos ay “CLB: At the Forefront of Transforming Educational Landscape”. (PIO Batangas City)

• < Prev
• Next >