Bb. Lungsod ng Batangas 2023 candidates ipinakilala sa publiko

Details

Thursday, 05 January 2023 - 4:59:00 PM

Pormal na ipinakilala sa publiko ang 20 naggagandahang kandidata sa Bb. Lungsod ng Batangas 2023 sa pamamagitan ng isang motorcade sa loob ng poblacion, January 5.

Ito ay sinundan ng press conference sa Teachers Conference Center kung saan higit na nakilala ng local media ang mga beauty contestants.

Ilan sa mga isyung binato sa mga kandidata ay kung ano ang kanilang magagawa sa problemang kinakaharap ng mga kabataan tulad ng teenage pregnancy at ang advantages ng pagiging isang millennial.

Nagpahayag ng paghanga ang mga kandidata kay Mayor Beverley Dimacuha dahil sa mga nagawa nito sa lungsod.
At kung mabibigyan sila ng pagkakataon na makausap si Mayor, ilan sa mga isyung kanilang tatalakayin ay mental health, digital literacy at youth empowerment.

Ilan naman sa kanilang magiging advocacy kung sakaling papalaring manalo ay ang pagsusulong sa responsible use ng social media, anti-bullying at higit na pagpapayabong ng sining at kultura.

Ang Coronation Night ay gaganapin sa gabi ng January 15 sa Batangas City Sports Coliseum kung saan magtatanghal ang mga kilalang artista sa telebisyon. (PIO Batangas City)

• < Prev
• Next >