Tourist facilities sa lungsod sumailalim sa pagsasanay sa data- gathering tungkol sa turismo

Details

Wednesday, 05 April 2017 - 1:50:41 PM

BATANGAS CITY-Sumailalim sa Basic Tourism Statistics Training ng Batangas Tourism Office ang mga may-ari o representatives ng mga tourist establishments upang matutunan nila ang pangongolekta ng datos at impormasyon sa mga natatanging tourist attractions, accommodation establishments at bilang ng turista sa lungsod.

Ang Basic Tourism Statistics ay isang estratehiya ng market research na magiging basehan sa pagpaplano ng mga proyekto at promosyon para sa pagpapalago ng industriya ng turismo ng bawat lugar.

Layunin nito na masubaybayan ang pagtaas at pagbaba ng bilang ng mga turistang pumapasok at lumalabas saan mang panig ng lalawigan at lungsod.

Ayon kay City Tourrism head Eduardo Borbon, mayroong direktiba ang Department of Tourism sa mga LGU’s Tourism Offices na magbigay ng datos tungkol sa tourist arrival sa kanilang lugar upang mabigyan ng tulong ang mga LGUs na mapaayos ang kanilang accommodation at pasilidad. Kabilang sa mga datos na kinakalap ng Tourism Office ay ang bilang ng mga turistang lumalabas sa lalawigan, total guest check-in, distribution of guests by country and residence, total night guests at total rooms occupied, datos ng visitor kung ito ay tourist, same day visitor, night visitor at business tourist.

Inaasahan naman ng Batangas City Tourism Office ang pakikiisa ng mga tourist establishments sa pagbibigay ng maayos na datos at report. Naging lecturers sa nasabing seminar sina Rowena Brucal at Stephanie Landicho ng Provincial Tourism Office. (PIO Batangas City.)

• < Prev
• Next >