Outstanding child development centers sa kahandaan sa kalamidad kinilala

Details

Tuesday, 02 July 2019 - 11:18:00 AM

Pinatunayan ng tatlong child development centers sa Batangas City na kailangang bata pa ay maitanim na sa kanilang isip ang kaalaman sa disaster risk reduction and management.

Dahilan sa kanilang masigasig at mahusay na pagpapatupad ng mga programa at proyekto sa disaster risk reduction and management, tinanghal na Best Early Learning Center ang Sorosoro Ibaba Child Development Center (CDC) sa Provincial Gawad Kalasag awarding ceremony , July 1, sa Bulwagang Batangan.

Ayon kay Marilou Barte, child development worker ng nasabing CDC at siyang tumanggap ng award mula kay Gov. Hermilando Mandanas, patuloy nilang pinalalakas ang pagbibigay ng kaalaman sa mga bata hinggil sa paghahanda sa kalamidad kagaya ng pagkakaroon ng earthquake drill at iba pa sa tulong at suporta ng pamahalaang lungsod at ng barangay.
Kasama ni Barte si Social Welfare Officer III Daisy Garcia na syang kinatawan ni City Social Welfare and Development Officer Mila Espanola.
Ang awarding ceremonies ay isinagawa sa joint Full Council Meeting ng Provincial Disaster Risk Reduction and Management Council (PDRRMC), Provincial Development Council (PDC), Provincial Peace and Order Council (PPOC), Provincial Anti Drug Abuse Council (PADAC) at Provincial School Board (PSB).

Ang Gawad KALASAG ay pinakamataas na pagkilala na iginagawad sa isang tao, grupo, samahan, mga institusyon at LGUs na nakapagsagawa ng natatanging kontribusyon sa disaster risk reduction and management at humanitarian assistance sa bansa. Ang KALASAG ay tumatayo sa Kalamidad at Sakuna Labanan,, sariling Galing ang Kaligtasan.

Pumangalawa ang St Michael CDC sa barangay Ilijan at nanalo naman ng ikatlong pwesto ang San Jose Sico CDC. Kapwa sila tumanggap ng plake para sa naturang parangal.

Kaugnay nito, nanalo din ng unang pwesto ang Batangas Medical Center sa Best Hospital category at ang Batangas State University bilang Best Higher Education Institution. Second place winner naman ang Natalia V. Ramos Memorial NHS sa Best Secondary School.

• < Prev
• Next >