3 estudyante ng LPU-Batangas kinilala sa kanilang awards sa international competition

Details

Tuesday, 26 November 2019 - 8:45:00 AM

Ginawaran ng certificates of recognition ni Mayor Beverley Rose Dimacuha ang tatlong outstanding high school students ng Lyceum of the Philippines University-Batangas , November 25, dahilan sa napanalunan nilang siyam na gold at 10 silver medals sa ginanap na World Scholar’s Cup Tournament of Champions sa Yale University, Connecticut, United States of America noong November 8-13 kung saan mahigit 2,700 estudyante mula sa 61 bansa ang lumahok.

Sila ay sina Kielle Imrei Tria, Yvette Frances Ortega, at Mark Joshua Noche . Bilang team, sila ay nakasungkit ng gold sa team debate at silver sa Collaborative Writing at Scholar’s Bowl. Si Tria ay nakakakuha ng anim na golds at limang silvers; si Ortega ay dalawang golds at dalawang silvers; at si Noche ay isang gold at isang silver. Si Tria ng Grade 11-STEM Engineering ay kuminang din bilang second highest ranking Filipino sa Individual Writing at fourth highest Filipino sa Scholar’s Challenge (senior division).

Ang delegasyon ang kumatawan sa kanilang paaralan at sa bansa matapos nilang mag qualify sa regional at global rounds ng competition.

Ayon sa kanilang coach na si LPU High School Asst. Principal, Mrs. Jamie Lee Mendoza, “What is great about this type of competition is that it is something that helps you learn through experience, not just the books.” (Ang magaling sa ganitong uri ng kumpetisyon ay ito ay nakakatulong sayo na matuto sa pamamagitan ng karanasan , hindi lamang sa libro.)

Ayon sa LPU-Batangas, ipinagmamalaki nila ang tagumpay na ito at nangangakong ipagpapatuloy ang paghubog ng mga “young achievers” na nagpapatuloy manguna sa kanilang larangan.

• < Prev
• Next >