BFP nagdaos ng Pamaskong Paalaala 2019 sa mall

Details

Monday, 09 December 2019 - 3:49:10 PM

Isang “strategic” at “community-based” Christmas presentation ang isinagawa ng Bureau of Fire Protection sa SM City Batangas noong Decedmber 6 upang mapalawak ang kaalaman ng mga tao sa fire safety at prevention lalo na ngayong ipinagdiriwang ang Pasko.

Ito ay ang “Pamaskong Paalala 2019 BFP Concert at the Mall, na isang 3-1 Yuletide Fire Prevention Event kung saan nakapaloob dito ang Concert, Emergency-Rescue Simulation/Training at Equipment Exhibit.

Ang event ay proyekto ng BFP Region IV-A na isinagawa sa pamamagitan ng Batangas Provincial Fire Office sa pangunguna ni F/SUPT Farida Ymballa. Naging host nito ang Batangas City BFP sa pamumuno ni F/CInsp Elaine Evangelista katulong ang Batangas City government. Dumalo rito ang mga Fire Marshalls mula sa iba’t ibang bayan sa lalawigan ng Batangas.

Nagtanghal sa concert ang mga fire fighters na nagpakita ng kanilang talento sa pag-awit at pagsayaw.

Nagbigay naman ng kanilang mensahe sina Regional Director, BFP R4-A F/CSUPT Jesus Fernandez, CESE at dating Konsehal Serge Atienza na siyang naghatid ng mensahe ni Mayor Beverley Dimacuha. Kapwa nila ipinaalaala ang maingat at ligtas na pagdiriwang ng Pasko.

Lumahok dito ang mga elementary at high school students mula sa ilang publiko at pribadong paaralan sa Batangas City at mga karatig bayan. Itinuro sa mga bata ang mga fire prevention and safety reminders, naging bahagi rin sila ng fire and emergency simulation at ipinakita ang mga kagamitan ng mga bumbero.

Ayon kay RD F/CSUPT Fernandez, nararapat na maagang matuto ang mga kabataan ng mga paraan para makaiwas sa sunog at mailigtas ang kanilang sarili mula sa sunog dahil madalas ay silang mga bata ang naiiwan sa bahay at kadalasan ay sila ang nagiging biktima o nasasawi.

Natuto at nag enjoy ang mga estudyante sa iba’t ibang activity corners tulad ng Kiddie Fire Marshal Station, Fire Safety Lecture Corner, Emergency Simulation, Smoke Evacuation Simulation Corner at Exhibit and Display of Fire and Water Rescue Equipment. (PIO Batangas City)

• < Prev
• Next >