Mag ingat pa rin kahit nasa mgcq na ang lungsod payo ng CHO

  1.jpg 2.jpg

Nananawagan si City Health Officer Rosanna Barrion na ngayong nasa modified general community quarantine (mgcq) na ang Batangas City kung saan mas maluwag na ang pagkilos ng mga tao, na huwag maging kampante kundi maging mas maingat pa sapagkat nariyan pa rin ang virus sa ating paligid.

Hiniling din niya ang pakikiisa ng lahat ng sektor laban sa covid at sa Task Force na maipaalam at maipatupad sa publiko ang minimum public health standards at iba pang health protocols.

Samantala, dalawang persons deprived of liberty (PDL) mula sa City PNP Station-detention cell ang napadagdag sa bilang ng confirmed COVID- 19 patients sa lungsod kung saan may 76 positive cases, 7 current cases, 64 recoveries, 5 deaths at 155 suspects sa lungsod ayon sa report ng City Health Office (CHO), June 30.

Ayon kay Dr. Barrion, ang dalawang PDL ay nasa isolation facility para sa mga PDL sa Malainin Ibaan. Hinihintay rin aniya ng CHO ang resulta ng RT-PCR (swab) test ng 129 PDLs at cell custodian.

Sinabi rin niya na patuloy ang RT-PCR testing sa mga PNP personnel na sinimulan ng CHO bago pa man may mag may mag positibong PDL. Nasa active surveillance din aniya ang CHO ngayon kung saan maraming ng frontliners ang kanilang nai test. " Hindi po kami tumitigil sa aming contact tracing and targetted expanded testing which means yung mga vulnerable groups ay target po naming mai test", dagdag pa ni Barion. (PIO Batangas City)