Annual Investment Program inaprubahan ng City Development Council

Details

Wednesday, 02 September 2020 - 11:30:30 AM

Annual Investment Program inaprubahan ng City Development Council Inaprubahan ng City Development Council ( CDC) sa Full Council Meeting nito via zoom video conference, noong August 28 ang mga sumusunod: 1. Supplemental City Annual Investment Progtram No. 1 for FY 2020-09-02 2. City Annual Investment Program for FY 2012 3. City Development Investment Program for FY 2019-2011

Ang pagpupulong ay pinangunahan ni CDC Chairman Mayor Beverley Dimacuha. Nakiisa dito ang mahigit sa 100 regular na kaanib ng CDC mula pamahalaang lungsod, punong barangay at mga kinatawan mula sa pampubliko at pribadong sektor. Kabilang sa mga inaprubahan ang mahigit sa P 3B na Supplemental Annual Investment Program No.1 para sa fiscal year 2020.

Nakapaloob sa halagang ito ang humigit kumulang na P 2B para sa mga proyekto sa general public services tulad ng mga serbisyong ipinagkakaloob ng mga tanggapan ng pamahalaang lungsod at pondong nakapaloob para sa pagharap at pagsugpo sa COVID 19 pandemic. Mahigit sa P 1B naman ang nakalaang budget para sa social services kagaya ng health, educational, social welfare services at special education fund (SEF) at Local Disaster Risk Reduction Fund. Bahagi rin nito ang mga proyekto para sa economic services kagaya ng infrastracture development program, veterinary and agricultural services, environment services at iba pang infrastracture at non- infrastracture projects. Aprubado din ng CDC ang P 21B Annual Investment Program (AIP) para sa taong 2021 kung saan P 6B ay para sa general public services, humigit kumulang sa P 6B din para sa social services at P 10B para sa economic services kung saan nakapaloob dito ang mga priority infrastructure at non-infrastracture projects ng 105 barangay.

Ang City Annual Investment Program for FY 2021 ay magiging basehan ng City Annual Budget for FY 2021. Ang mga inaprubahang AIP # 1, FY 2020, City AIP FY 2021 at City LDIP CY 2019-2022 ay i-i-endorso sa Sangguniang Panlungsod para sa pag apruba ng mga ito. (PIO Batangas City)

• < Prev
• Next >