First quarter evaluation monitoring ng KABRAD Solid Baybay Coordinators, tagumpay na naisagawa

Details

Saturday, 13 March 2021 - 4:32:44 PM

Naging matagumpay ang isinagawang evaluation at monitoring hinggil sa tamang pangangasiwa ng basura ng Solid Baybay cluster coordinators ng Katuwang ng Barangay Responsable Aktibo Disiplinado (KABRAD) ng city government sa mga coastal barangay ng lungsod para sa unang quarter ng taon.

Ang nasabing gawain ay kaugnay ng striktong implementasyon ng Batangas City Solid Waste Management Board ng R.A. 9003 o Ecological Solid Waste Manangement Act of 2000.

Binisita ng grupo ang 13 coastal barangays at 6 na island barangays ng lungsod upang masiguro na naiipatupad ang waste segregation, pagban sa paggamit ng plastic, kung may compost pit at gawing operational muli ang materials recovery facility (MRF) sa mga ito. Tiningnan ng grupo kung aktibo pa rin ang solid waste management council ng barangay at kung naiipatupad pa rin ang solid waste management plan nito sa gitna ng nararanasang pandemya.

Ininspeksyon din nila kung napanatili ang Project Free Throw sa bawat sitio kung saan dito itinatapon ng mga residente ang kanilang mga recyclable at residual wastes partikular ang pet bottles. Bilang resulta, 80% ng household sa nabanggit na mga barangay ang nakasunod sa waste segregation at pagban sa paggamit ng plastic.

Sa kabila nito, hinikayat pa din nila ang mga residente na isabuhay ang 9 R’s sa pangangasiwa ng basura- ang reuse, reduce, recycle, refuse, repurpose, reject, replace, recover at rethink upang makatulong na bawasan ang basura sa barangay. Muling bibisitahin ng KABRAD Solid Baybay cluster coordinators ang naturang mga barangay sa 2nd quarter ng taon. (PIO Batangas City) 

• < Prev
• Next >